Sua Eselénsia Ministra Solidariedade Sosiál no Inkluzaun, Verónica das Dores, abertura Pagamentu Bolsa da Mãe Kondisionál no Idozus iha Metinaro hodi loke ofisialmente pagamentu iha Timor-Leste tomak. Programa ida-ne’e hatudu kompromisu Governu atu asegura katak, família vulnerável sira hetan apoiu atu bele kontinua fó edukasaun ne’ebé di’ak ba sira-nia oan.
Sumáriu Pagamentu Bolsa da Mãe Kondisional faze primeiru tinan fiskal 2026 tuir nivel Edukasaun:
Benefisiarius Primaria hamutuk 39,894 ho total orsamentu $3,829,824.00. Total benefisiariu Pre-sekundaria 20891, ho total orsamentu $2,256,228.00, total benefisiariu ba Sekundaria hamutuk 6517 ho total orsamentu $782 040,00. Depois total benefisiariu Ema ho Difisienste hamutuk 133 ho total orsamentu $21 408,00 benefisiarius.
Ho ida ne’e, Governu fiar katak edukasaun mak investimentu importante liu ba futuru nasaun. Tanba ne’e, Bolsa da Mãe Kondisionál la’os de’it ajuda osan ba família sira, maibé mós maneira ida atu motiva labarik sira kontinua ba eskola, hodi prepara an sai ema matenek no responsável iha futuru.
Iha oportunidade ida-ne’e Sua Eselénsia abertura mós pagamentu ba Idozus no Inválides, ne’ebé prosesu pagamentu sei hahú fulan Abril.
Mídia MSSI
