Ministériu Solidariedade Sosiál no Inkluzaun (MSSI), selebra ona Akordu Kooperasaun ida ho Institutu Apoiu ba Dezenvolvimentu Emprezariál (IADE), ho objetivu atu fó formasaun emprezariál ka negósiu ba Ema ho Defisiénsia (EhD), ne’ebé hetan apoiu finanseiru husi MSSI liuhusi Programa Negósiu Auto-Sustentável.
Objetivu esensiál husi akordu kooperasaun ne’e, atu hasa’e koñesimentu EhD, liuliu sira ne’ebé asesu ba Programa Negósiu Auto-Sustentável MSSI, hodi nune’e sira bele iha koñesimentu ne’ebé naton kona-ba jestaun empreza, hodi garante sira-nia ejisténsia.
IADE hanesan instituisaun públiku ho autonómia administrativa no finanseira, iha-ne’ebé tutela ba Ministériu Ekonomia no Dezenvolvimentu.
Serimónia Asina Akordu Kooperasaun realiza iha ámbitu selebrasaun Loron Nasionál EhD iha Munisípiu Aileu, Sábadu (04/07/2026).
Mídia MSSI
