IX Governu Konstitusionál Timor-Leste
MSSI (Ministériu Solidaridade Sosiál no Inkluzaun)
Sua Exelénsia Vise-Ministra Ministériu Solidariedade Sosiál no Inkluzaun, Sra. Ceu Brites, iha esperiénsia luan iha servisu públiku no dezenvolvimentu komunidade. Antes ocupa kargu atuál, nia servisu iha Austrália nu’udar funsionária públika.
Bainhira hela iha Austrália nu’udar migrante, iha tinan 1995 nia envolve an nu’udar ativista ida ne’ebé hala’o kampaña diplomátika no advokasia iha nasaun sira iha rejiaun Pasífiku no Ázia hodi apoia prosesu Referendu Timor-Leste.
Iha tinan 2000, nu’udar membru diáspora no refujiada timoroan, nia fila mai Timor-Leste atu kontribui ba prosesu rekonstrusaun no dezenvolvimentu nasaun nian. Durante períodu ne’e, nia servisu iha organizasaun oioin, inklui organizasaun internasionál ChildFund, UNMIT, no ONG lokál PRADET.
Aleinde ne’e, hosi tinan 2014 to’o Juñu 2023, nia servisu iha Gabinete Prezidénsia Repúblika, apoiandu Prezidente eleitu tolu (3) tuituir malu iha área kooperasaun no dezenvolvimentu.
Ho esperiénsia profisionál ne’ebé luan iha Timor-Leste no Austrália, tantu iha setór públiku hanesan mos organizasaun internasionál no intergovernamentál sira, Sra. Ceu Brites lori kompeténsia, lideransa no kompromisu atu fó kontribuisaun signifikativa ba implementasaun polítika no programa sira Ministériu Solidariedade Sosiál no Inkluzaun nian iha okos IX Governu Konstitusionál.
