Vise-Ministra Solidariedade Sosiál no Inkluzaun, Céu Brites, ofisialmente entrega uma no sasan kios ba inan Kbiit-Laek, Lucia Amaral no oan defisiénsia nain tolu mak hanesan Cezaltina Amaral (17), Ne’ebé termina ona ninia peregrinasaun iha mundu, hela nain rua hamutuk ho ninia inan mak hanesan Cezaltino Amaral (10) ho Rosalina Amaral ( 8 ) no Vise-Ministra MSSI tau naran kios naran “CEZALTINA KIOS”. Serimónia entrega uma no sasan kios ne’e hala’o iha Suku Seloi Malere, Munisípiu Aileu, Sesta-feira, (06/12/2024).
Apoiu ida ne’e hanesan programa apoiu pontual husi Ministériu Solidariedade Sosiál no Inkluzaun-MSSI no konstrusaun ne’e MSSI servisu hamutuk ho Sentru Nasionál Reabilitasaun (CNR-Sigla Portugés) hodi harii no ba oin kada semana-semana Sentru Solidariedade Sosiál no Inkluzaun Munisípiu Aileu-SSSIMA halo monitorizasaun hodi hatene progresu husi inan Kbiit-Laek no oan defisiénsia sira ne’e.
Akompaña Vise-Ministra mak, Diretór-Jeral Protesaun Sosiál, Florêncio Pina Diaz Gonzaga, Representante Diretór-Jeral Sentru Nasionál Reabilitasaun, Diretór Nasionál Portadores Ema ho Defisiénsia, Domingos Henrique Maia, Diretór SSSIMA, Salvador da Costa de Andrade, Asesor no kargus xefia sira seluk.
Mídia MSSI
