VICE - MINISTRA DA SOLIDARIEDADE SOCIAL E INCLUSÃO
Sua Excellencia Vice Ministra, Solidaridade Sosial no Inklusaun, Sra Céu Brites, iha esperensia servisu ne`ebe klean iha Setor Publiku e hanesan mos funsionario publiku durante hela iha Australia.
Durante hela iha Australia hanesan refugiada, Sra. Céu Brites ativa tebes hodi espresa luta ba Povo Timor nian indepedensia.
Hanesan aktivista, Sra. Céu Brites halo servisu intensivu iha Rejiaun Asia no Pasifiku hodi manifesta povo Timor Leste nia Indepedensia.
Iha tinan 1995, Sra. Ceu Brites hamutuk ho feto maluk Timor Oan nain Lima (5), partisipa mos iha Beijing Women’s Conference. Alem de ne`e iha tinan 1996, Sra. Céu Brites, hola parte nudar membru kuadro ba “Nuclear free Independent Pasific”.
Durante ne`e, Nia mos hanesan produtora no apresentadora ba programa radio Komunidade iha Sydney – Australia ho naran ‘’ Radio Timoroan”.
Atu aumenta capasidade hodi halao’o servisu hodi Timor ukun an , Sra. Céu Brites participa tuir ho naran “Dipomacy Training Program”, ne`ebe organiza hosi Universidade New South Wales (NSW).
Iha Junho fila hikas mai Timor Leste ho Asia-Pasific Women Group hodi asesu ba prosesu preparasaun referendum dia 30 de Agusto 1999.
Depois de ida ne`e, iha dia 4 de Outobro halo servisu iha Organizasaun Internasional hanesan Child Care Fund no iha 2000 servisu iha estabelesementu edifisio foun ba PRADET iha Dili.
Sra. Céu Brites, Servisu mos iha United Nation Transitional Administration in Timor-Leste (UNTAET) hanesan produser radio ba Programa iha lian Tetum, Portuguesa no Inglesh. 1999
Depois de remata servisu iha misaun UNO nian, “The United Nations Mission”, Sra Céu Brites, kontinua servisu iha Palacio Presidente da Republika durante mandate Presidente ba periodu tolu (3) tui-tuir malu, komesa hosi 2013 to`o Junho 2023 iha Unidade Relasaun Internasional.
Hanesan esperensia servisu iha Timor Leste, setor publiku iha Australia no esperensia servisu iha organizasaun Intergovernmental aumenta valor konfiansa hodi asumi responsabilidade hanesan Vice Ministra Solidaridade Sosial no Inklusaun iha IX Governu Konstitusinal.
