Díli, 17 Janeiru 2024, United Nations Population Fund (UNFPA), halo sorumutu ho ekipa tékniku hosi MSSI ne’ebé lidera hosi Diretor Geral Protesaun Social, akompaña hosi Diretor Nasional Reinserção Communitaria, Assessora Prinsipál no ekipa hosi Gabinete Ministra no Vise -Ministra, hodi responde ba Ekipa avaliasaun hosi Asosiasaun Portugés Apoiu ba Vítima (APAV), ne’ebé ho apoiu hosi UNFPA halo avaliasaun ba sistema jestaun de kazu ba implementasaun programa atendimentu ba vítima violénsia bazeia ba jéneru iha Timor Leste.
APAV mai vizita serbisu iha Timor-Leste hahú husi 15 no 19 Janeiru 2024 ho objetivu espesífiku husi misaun APAV ne’e mak hanesan: Hala’o analiza kona-ba situasaun Sistema Gestão kazu GBV iha Timor-Leste, inklui identifika parte interesadu hirak ne’ebé mak importante (mapeamentu ba servisu), no identifikasaun ba pontu-entrada responsável ba kazu no integra no Sistema Gestão kazu Mental Health and Psychosocial Support (MHPSS) / Departamentu Moras Mental no Psikolijia; Hala’o workshop ho tim multiprofisionál hodi responde ba GBV; no Sei elabora rekomendasaun atu haforsa implementasaun Planu Asaun Nasionál kona-ba GBV (2022-2032) no Sistema Gestão kazu GBV iha Timor-Leste.