Ministériu Solidariedade Sosiál no Inkluzaun (MSSI), liuhusi Ministra Solidariedade Sosiál no Inkluzaun, Verónica das Dores, distribui ai-han no pakote komplementár ba benefisiarius hamutuk 90 iha Suku Ostico, Postu Administrativu Vemasse, Munisípiu Baucau, Domingu (13/07/2025).
Iha atividade apoiu ai-han ne’e akompaña husi, Sekretária Asuntu Sosiál, Autoridade Munisípiu Baucau, Celestinha Viegas, Komandante Eskuadra Postu Vemasse no Lideransa komunitária.
Iha distribuisaun ne’e, Xefe Suku Ostico, Policarpo da Silva hato’o agradesimentu ba Ministra MSSI, tanba ho fuan boot vizita ona suku Ostico. Vizita ida-ne’e hatudu sentidu domin husi Ministra MSSI ne’ebé hatutan mós S.E Primeiru-Ministru, Kay Rala Xanana Gusmão ninia liman, hodi hakuhak ho domin maluk vulnerável sira, tanba sira mak kamada populasaun ne’ebé terus desde tempu funu to’o hakotu funu iha 1999 liuhusi Konsulta Populár.
Mídia MSSI
