Dezde Independénsia To’o Ohin Loron Foin Hetan Vizita Membru Governu
Komunidade husi Bairu Bioni, Aldeia Maquelab, Suku Taiboco iha Rejiaun Administrativu Espesiál Oe-Cusse Ambeno (RAEOA), foin ba dahuluk hetan vizita husi membru governu ida ne’ebé resposável ba área sosiál. “Timor ukun an kleur ona mas foin ohin loron membru governu ida laran kmaan mai vizita ami”, dehan Xefe Aldeia Maqueleb wainhira simu vizita Ministra Solidariedade Sosiál no Inkluzaun, Verónica das Dores ho komitiva iha Bairo Bioni, Dumingu (24/11/2024).
Vizita Ministra MSSI ba iha Bioni ho Objetivu, hodi apoia ai-han no pakote komplementar ba erois vivus, ema ho defisiénsia, pasiente vulnerável, feto faluk no oan kiak abandonadu, inklui uma-kain kbiit laek, hodi apoia netik ai-han ruma atu sustenta moris ba loron ida ka rua. Iha vizita ba daikus ne’e, Ministra fahe mós informasaun kona-ba programa subsídiu apoiu kondisional Bolsa da Mãe, Idozus no Ema ho Defisiénsia, ba komunidade sira atu hatene hodi kumpri.
Mídia MSSI
