Baguia, 28 Novembru 2023, Ministra Solidariedade Sosiál no Inkluza (MSSI) Verónica das Dores sai hanesan inspetora iha serimónia ichar bandeira hodi komemora loron aniversáriu Proklamasaun Unilaterál Independénsia Repúblika Demokrátika Timor-Leste ba dala 48 (28 de novembro de 1975 – 28 de novembro 2023) ne’ebé mak hala’o iha recinto EBC Bagia Vila, suku Alaua Kraik, postu administrativu Baguia, Munisípiu Baucau.
Ichar bandeira ne’e hetan partisipasaun máximu hahú husi Administradór postu Baguia António dos Ramos, xefi suku sesante no xefi suku eleitu ho estrutura husi suku sanulu ( Suku Afloikai, Alaua Krai, Alau leten, Defawasi, Haikoni, Larisula, Lavateri, Osahuna, Samalari no Uakala), Padre Mateus Manuel Soares komandante PNTL eskudra Baguia, Amo parku, estudante no komunidade sira.
Iha serimónia ofisiál ne’e mós postu Baguia akompaña diskursu Prezidente Repúblika Dr. José Ramos Horta nian liu husi transmisaun direta husi kanál RTTL, EP.