Ministra Solidariedade Sosiál no Inkluzaun, Verónica das Dores, partisipa iha misa agradesimentu ba komemorasaun Loron Mundiál Ema ho Defisiénsia (EhD) 3 Dezembru, iha Paróquia Nossa Senhora de Fátima Suai, Tersa-feira (03/12/2024). Misa agradesimentu ne’e prezide husi Reverendísimu Amu Pároku, Pe. Sebastião Eugénio da Cruz Correia, iha ámbitu komemorasaun loron São Francisco Xavier, iha-ne’ebé haktuir ba Evanjellu kona-ba eskolante na’in sanulu resin rua ne’ebé Nai Jesus haruka ba mundu tomak hodi haklaken lia foun di’ak, no kura ema moras sira. Iha misa agradesimentu ida-ne’e, Pe. Sebastião husu Maksoin haraik bénsaun ba ema sira ne’ebé tau matan ba EhD, liuliu ba Ministériu Solidariedade Sosiál no Inkluzaun (MSSI), atu nafatin ho laran badinas hodi tau-matan ba EhD. Akompaña Ministra iha misa ida-ne’e, Prezidente Autoridade, Komandante PNTL, Parseirus Dezenvolvimentu no entidade relevante sira seluk.
Mídia MSSI
