Díli 17 Janeiru 2024, Ministra Interina no atuál Vise-Ministra MSSI, Céu Brites partisipa Sorumutu Konsellu Ministru, iha Salaun Reuniaun PCM, Palácio do Governo.
Iha reuniaun ne’e Konsellu Ministrus, aprova ona projetu Rezolusaun Governu ne’ebé aprezenta husi Vise-Ministra Solidariedade Sosiál no Inkluzaun, Céu Brites, hodi nomeia Arlindo Pinto ba mandatu tinan tolu hanesan Prezidente Konsellu Administrasaun Institutu Nasionál Seguransa Sosiál, nune’e, mós hanesan Prezidente Konsellu Fundu Rezerva Seguransa Sosiál.
Diploma ne’e hateten katak Arlindo Pinto ” iha reputasaun ne’ebé di’ak no, durante ninia karreira profisionál, hala’o ona kna’ar ne’ebé halo nia iha koñesimentu, formasaun téknika no esperiénsia kualifikada ne’ebé hatudu kapasidade diresaun no hatudu ninia adekuasaun perfil hodi dezempeña kargu ida-ne’e”.
Informasaun detallu iha portal governu http://timor-leste.gov.tl/?p=35767&lang=tp