Ministra em Ezersísiu no atuál Vise-Ministra Solidariedade Sosiál no Inkluzaun, Céu Brites, halo abertura ba kongresu rejional asosiasaun feto potensial ba datoluk iha Rejiaun Administrativa Espesiál Oe-cusse Ambeno (RAEOA), ho tema “Haforsa Asosiasaun Feto RAEOA hodi kontribui ba Dezentralizasaun no Poder Lokal” no kongresu ida ne’e hala’o durante loron rua iha salaun Dominikana, Sanane, RAEOA, hahu husi loron, Kinta to’o Sesta-Feira (12-13/12/2024).
Iha abertura, Ministra em Ezersísiu no atuál Vise-Ministra MSSI hato’o, ho onra bo’ot ida ba hau, ohin bele partisipa iha asembleia jerál ba asosiasaun feto potensial RAEOA, hodi Sekretária Estadu ba Igualdade-SEI nia naran halo abertura ba eventu ida ne’e, nomós atu hasoru malu ho feto forte sira, feto sira ne’ebé servisu iha liña frente hodi kombate ki’ak, kombate diskriminasaun, esteriotipu sira, violénsia oi-oin, luta hasoru analfabetu, luta hasoru moras hadaet sira hanesan HIV-SIDA, Tuberkuloze, Covid-19, Rabbies nomós mudansas klimatika ne’ebé afeita ba familia no komunidade nia moris liu-liu feto no labarik, ferik katuas no Ema ho Defisiénsia-EhD sira.
Ministra em Ezersísiu no atuál Vise-Ministra hato’o tan, Parabéns ba asosiasaun feto potensial RAEOA ho nia estrutura tomak no papel asosiasaun feto importante hodi kontinua valoriza dignidade umana, liu husi atitudi sosiál ne’ebé promove no proteje direitu feto.
Mídia MSSI
