Iha komemorasaun Loron Mundiál Ema ho Defisiénsia (EhD) 3 Dezembru, iha Munisípiu Covalima, Ministra Solidariedade Sosiál no Inkluzaun, Verónica das Dores, kontinua afirma komitmentu IX Governu Konstitusionál nian, liuhusi Ministériu Solidariedade Sosiál no Inkluzaun (MSSI), atu tau-matan ho dignu ba maluk sira ne’ebé ho kondisaun espesiál hanesan EhD, haktuir ba tema mundiál katak “Haforsa Lideransa Ema ho Defisiénsia, ba Futuru ida-ne’ebé Inkluzivu no Sustentável”, no Tema Nasionál “Empodera Ema ho Defisiénsia Liuhusi Implementasaun Planu Asaun Nasionál ba Ema ho Defisiénsia Periodu 2021-2030, Hodi Atinji Dezenvolvimentu Ida-ne’ebé Inkluzivu no Sustentável Iha Timor-Leste.
“MSSI kontinua hadi’ak mekanizmu servisu hotu-hotu, husi nasionál to’o Sentru Solidariedade Sosiál no Inkluzaun Munisipius, hodi fó atendimentu ida-ne’ebé di’ak liu ba maluk sira ne’ebé ho kondisaun espesiál, tanba iha inkluzaun sosiál labele husik ema ida ba kotuk”, katak Ministra wainhira lidera komemorasaun Loron Mundiál Ema ho Defisiénsia, iha edifísiu Sentru Solidariedade Sosiál no Inkluzaun Munisípu Covalima, Tersa-feira (03/12/2024).
Mídia MSSI
