Governu ho Parlamentu Komemora Loron Nasionál Feto

IX Governu Konstitusionál, liuhusi Ministériu Solidariedade Sosiál no Inkluzaun (MSSI), hamutuk ho Komisaun C no F Parlamentu Nasionál, komemora Loron Nasionál Feto Timor-Leste ba dala 48 (03 Novembru 1976 – 03 Novembru 2024), iha Postu Administrativu Maubara, Munisípiu Likisá, Sábadu (09/11/2024) ho tema ““Feto Iha Prosesu Dezenvolvimentu Nasionál Depoizde Tinan 25 Konsulta Populár”, ho sub tema “Promove Igualdade no Inkluzaun Sosiál”.

Seremónia komemorasaun ne’e lidera husi Ministra Solidariedade Sosiál no Inkluzaun, Verónica das Dores, hamutuk ho Vise-Ministra Solidariedade Sosiál no Inkluzaun, Céu Brites, ne’ebé mós hetan partisipasaun husi Ministru Ensinu Superior, Arte no Kultura, Prezidente Komisaun C no Prezidente Komisaun F Parlamentu Nasionál, Sekretáriu Estadu Igualdade, Sekretáriu Estadu Asuntus Toponímia no Organizasaun Urbana, Reprezentante Prezidente Autoridade Munisípiu Likisá ho estrutura Postu to’o Sukus, Komandante PNTL Munisípiu Likisá, Veterana Sra. Kasian, erois vivus inklui komunidade.

Mídia MSSI