Excelensía, Ministra Solidariedade Social no Inclução (MSSI), Verónica das Dores nudar funsionariu públiku esperensiadu liu iha nasaun ida ne’e, servi setór públiku durante tinan 35. Nia asumi knar lideransa lubuk ida, inklui nudar ofisiais senior iha governo desde Governo Konstitusional Dahuluk. Nia nudar nasaun nia veterana feto ida, iha influensia forte ba ninia direitu rasik.

Iha tinan 2008, nia nudar membru ida iha ekipa tékniku prinsipal iha Ministra Solidariedade Social no Inclução; hodi introdus eskema Bolsa da Mãe kona-ba subsidius protesaun sosial ba apoiu familia kiak no vulneravel nomos husi labarik tinan tolu ba to tinan 17.

Iha tinan 2016 nomeia nia nudar Diretora-Geral do Centro Nacional de Reabilitação, koinese nudar Centro Nacional de Reabilitação (Akrónimu Portugis – CNR). CNR ne’e instituisaun Públika ida, ho administrasaun no jestaun indireta, tutela ba Ministério da Solidariedade Social e Inclusão ne’ebe presta servisu reabilitasaun fízika iha paíz tomak.  

Alein nia papel iha setór públiku, nia mos atua nudar membru konsellu iha organizasaun oioin, hodi garante prátika diak sira implementa duni. Ho nia esperiensia servisu ne’ebe luan iha administra no jere programa no orsamentu durante dekade 3 resin, IX Governo ho prazer nomeia nia lidera ministeriu ne’e no ho ninia esperiensia folin boot ba ninia mandatu dadaun ne’e nudar Ministra MSSI.