Vise-Ministra Solidariedade Sosiál no Inkluzaun, Céu Brites ho komitiva hala’o vizita domisiliária ba ema vulnerável sira iha Postu Administrativu Quelicai no Matebian, Munisípiu Baucau, Kuarta-feira (24/06/2026).
Ema vulnerável sira ne’ebé vizita mak,
1. Amaro da Costa Freitas (defisiénsia matan) ho nia família, iha Aldeia Lialura, Suku Boalale Postu Administrativu Quelicai
2. Estela da Costa (idoza abandonadu), Aldeia Baticasa, Suku Laisorulai de Cima, Postu Administrativu Matebian
3. Lorencio da Costa Cabral (kondisaun moras), iha Aldeia Daraoma,Suku Laisorulai de Baixo,Postu Administrativu Matebian.
Vizita ne’e ho objetivu atu observa diretamente sira nia kondisaun moris no rona sira nia preokupasoens hodi identifika nesesidade sira no prepara apoiu tuir programa MSSI nian.
Iha oportunidade ne’e, Vise-Ministra mós entrega ai-han balun ba família sira ne’ebé vizita hodi ajuda sustenta nesesidade bázika lor-loron nian. Aleinde ne’e, Vise-Ministra fó mensajen enkorajamentu ba sira atu kontinua moris ho esperansa, hakbi’it an no mantein konfiansa katak, Governu liuhusi MSSI sei kontinua halo esforsu atu apoiu no promove bem-estar ema vulnerável sira iha rai-laran
Mídia MSSI
