Atu hatan ba programa governu nian kona-ba servi povu ho dignu, maka Ministériu Solidariedade Sosiál no Inkluzaun (MSSI) ho parseirus potensiál sira hanesan:
1. Ministériu Saúde – MS
2. Centro Nacional Chega – CNC
3. Programa Ai-han Mundiál – PAM/WFP
4. Ti-oan Fintech
5. Telemor Fintech – Mosan Telemor
Akordu kooperasaun ne’e nia objetivu atu MSSI ho parseiru save haat (4), iha hanoin no ispíritu ida de’it hodi servi povu no nasaun.
“Ha’u vizita fatin barak iha áreas remotas, ha’u rasik haree inan-aman sira mata-been monu tanba susar ne’ebé sira hasoru. Nune’e mak loraik ida-ne’e ita hamutuk iha fatin ida-ne’e, hodi tau forsa hamutuk, atu taumata ba Inan sira isin-rua, Inan fó-susu, labarik sira no sira ne’ebé sai vítima pasadu”, dehan Sua Eselénsia Ministra Solidariedade Sosiál no Inkluzaun, Verónica das Dores, hafoin asinatura akordu kooperasaun, iha Salaun Enkontru MSSI Kaikoli, Tersa-feira (23/06/2026).
1. Akordu kooperasaun entre MSSI, MS ho PAN/WFP kona-ba programa prevensaun mal-nutrisaun (stunting), liuhusi Programa Bolsa da Mãe Kondisionál ba Saúde Nutrisaun inan no oan (BdMK-SANUTRIO);
2. Akordu kooperasaun entre MSSI ho CNC kona-ba implementasaun rekomendasaun CNC ba vítima pasadu (vítima funu);
3. Akordu entre MSSI, Ti-One Fintech ho Telemor Fintech kona-ba pagamentu subsídiu $25 kada fulan tolu ba Inan isin-rua, Inan fó-susu ho labarik to’o tinan 3, bazeia ba rezultadu survey uma-kain husi Munisípiu Ermera, Covalima no RAEOA.
Mídia MSSI
